Kvardagsrehabilitering

Det kan gjelde personleg stell, matlaging, reinhald, deltaking i sosiale samanhengar eller andre daglege aktivitetar. Rehabiliteringa skjer i eigen heim og nærmiljø.

Målet for kvardagsrehabilitering er å:

• Auke livskvalitet og meistring 
• Redusere og utsetje behovet ditt for meir omfattande kommunale tenester

Trykk her for Retningslinjer for tildeling av kvardagsrehabilitering

Slik søkjer du

Trykk her for å laste ned søknadsskjema for helse og omsorgstenester

I søknaden må du skildre behovet ditt og grunngje kvifor du søkjer.

Sidan søknaden inneheld opplysningar om helsetilstanden din, er det ikkje trygt å sende søknaden på e-post. Lever søknaden og vedlegga på eit av våre kontor for innbyggjarservice som du finn i 2. etasje i promenaden i Amfi Knarvik, i kommunehuset på Frekhaug eller i kommunehuset på Manger. Du kan òg sende dei til:

• Alver kommune
  Forvaltningskontoret
  Postboks 4
  5906 Frekhaug
  E-post: forvaltningskontoret@alver.kommune.no

Vi har begrensa kapasitet på kvardagsrehabilitering. Tilbodet er definert som ein del av helse- og omsorgstilbodet til kommunen. Du kan få tilbod om andre helse- og omsorgstenester medan du venter på å få kvardagsrehabilitering.

Kva får du?

• Kvardagsrehabilitering er ei tidsavgrensa rehabilitering der fokus er å meistre oppgåver i kvardagen.
• Rehabiliteringa er eit samarbeid mellom deg og eit tverrfaglig team som består av fysioterapeut, ergoterapeut, sjukepleiar og heimetrenar.
• Vi lagar ein plan ut frå måla dine, og du får tett oppfølging i ein tidsavgrensa periode på 6 veker (med mogleg forlenging til 8 veker).

Kva kostar det?

Kvardagsrehabilitering er gratis.

Krav til søkjar

Kvardagsrehabilitering er for deg som

• har fått nedsett funksjon akutt eller gradvis det siste halve året
• ønskjer å meistre kvardagsaktiviteter igjen heime eller i nærmiljøet
• er motivert for å gjere ein eigeninnsats
• kan forstå og gjere deg forstått, med andre ord må du kunne ta instruksjon og følgje eit enkelt program med øvingar

Kva skjer vidare?

• Vi prøver å svare deg innan fire veker. Dersom vi ikkje klarer det, tar vi kontakt med deg og fortel kor lang tid det vil ta før du får svaret.
• Vi tar kontakt med deg dersom vi treng fleire opplysningar eller ønskjer å besøke deg.

Vi har avgrensa kapasitet på kvardagsrehabilitering. Tilbodet er definert som ein del av helse- og omsorgstilbodet til kommunen. Du kan få tilbod om andre helse- og omsorgstenester medan du venter på å få kvardagsrehabilitering.

Kontakt oss

Vi har ope kvardagar mellom klokka 09.00 og 15.00. Telefontid er mellom klokka 10.00 og 12.00

• Ring oss på 56 37 50 00 
• Send ein e-post til: forvaltningskontoret@alver.kommune.no

Hugs at det ikkje er trygt å sende informasjon om helsetilstand eller andre sensitive opplysningar på e-post.